滂沱大雨～～
有個女的入到診所，把直身遮滴哂水～
我:小姐，麻煩你放把遮去遮架啊，唔該你啊～
佢:唔駛啦，都冇乜水咋嘛，又冇人！
我:地下濕哂啦，跣親人就唔好啦～
佢:邊有咁易呀，少少啫
屎忽鬼，把遮濕到瀨尿咁，都話少少～個遮架唔係診所裝飾嚟㗎！如果天不怕地不怕大家姐喺度就好了，起碼可以屌到你上太空，遮都化灰！
我:放一放去遮架好方便啫…
佢:唔好咁麻煩啦，入得去見醫生未呀？
佢瀨住尿咁入去見醫生，我就嗱嗱聲拎地拖出去拖乾撻地～
拖～拖～拖～到佢由診症室開門出嚟時:哎呀！
咦，你仆街呀？乜咁易仆呀？
一邊扶起，佢一邊炳:想跣死我咩！有水嘅！
我:係呀，啲水你嘅，我顧住拖得出面，你又拎把遮入去醫生房滴水～都嗌咗你放喺遮架度，有冇事呀？痛唔痛呀？
佢:啲水實係我㗎？唔俾係第二個呀？我把遮都乾啦！
我:都冇人…係得你一個咋～
佢:你個地拖濕㗎！
我:係啦係啦係啦，坐低先啦！
佢繼續不停炳:門口點會無啦啦有水喺度呀！肯定係你個地拖啲水啦 blablablablablablablablablablablabla…
係啦係啦係啦，一定係我啦～打返幾個白鴿轉俾你睇囉～
)撩鼻
Search